22 февруари 2012 - 05:50 PM

Нимиц:Грчката Влада има мандат да решава за името

И покрај економската криза, Грција има функционална Влада која може да се справува со повеќе прашања, меѓу кои и со прашањето за името, изјави во среда медијаторот во спорот за името Метју Нимиц, по средбата со шефот на грчката дипломатија Ставрос Димас.

И покрај економската криза, Грција има функционална Влада која може да се справува со повеќе прашања, меѓу кои и со прашањето за името, изјави во среда медијаторот во спорот за името Метју Нимиц, по средбата со шефот на грчката дипломатија Ставрос Димас.

Тој додаде дека грчката Влада има искрена желба за решавање на спорот за името.

Како што пренесе грчката државна телевизија ЕРТ, министерот Димас го охрабрил Нимиц да продолжи во изнаоѓањето на заедничко прифатливо решение во рамки процесот што се води под покровителство на ОН.

Нимиц во понеделникот допатува во Скопје, каде што имаше средби со македонскиот државен врв. По средбите тој рече дека не носи нов предлог, туку дека е тука да ги слушне позициите на двете страни. /крај/ме/мф