Коалиционите партнери ВМРО-ДПМНЕ и ДУИ на заедничка средба, ги анализираа последните случувања во државата,  особено тие во регионот на Струга и заеднички ги осудија  сите дејстивија кои имаат директно или индиректно влијание врз една од највисоките вредности на нашето општество - меѓуетничките и меѓуверските односи.

 

„Меѓуетничкото, а особено меѓуверското почитување има долга традиција во Република Македонија, затоа не смееме да дозволиме поедини провокации на спортски натпревари, културни манифестации, но и вандалски акти  врз верски објекти, да ги нарушат истите, ниту смееме да дозволиме да бидат повод за внесување на дополнителна недоверба и непочитување кон државните симоли. Затоа коалиционите партнери најостро се оградуваат и ги осудуваат истите" се вели во заедничкото соопштение на ВМРО- ДПМНЕ и ДУИ.

 

Коалиционите партнери,како што стои во соопштението,  поддржуваат разрешување на случаите на провокации и насилство, кои се во правец на нарушувањето на добрите меѓуетнички и меѓуверски односи. 

 

Ги повикуваат  сите граѓани на Македонија, без разлика на нивната етничка или религиска припадност, да не подлегнат на провокациите и да ја сочуваат ладнокрвноста, и со тоа да придонесат кон сочувување на соживотот во нашата земја. /крај/со/фф

 

Copyright 2012 makfax Сите права се задржани. Текстот не смее да се печати или емитува, во целина или во делови без договор со Мakfax.

  0     0