Министерот за надворешни работи Никола Попоски и министерот за одбрана Фатмир Бесими синоќа во Вашингтон ги презентираа аргументите зошто Македонија треба да биде дел од НАТО.

На вечерата организираа во македонската амбасада, присуствувале истакнати личности од американската администрација и претставници на тинк-тенк заедницата од САД, меѓу кои Доналд Рамсфелд, поранешен секретар за одбрана на САД и Дејмон Вилсон, потпретседател на Атланскиот совет на САД.

Двајцата министри информирале за аспирациите на Владата и граѓаните на Македонија за интеграција во евро-атлантските структури. На вечерата, бригадниот генерал Вилијам Рој, поранешен командант на македонските војници во Авганистан, го истакнал нивниот висок професионализам во Мисијата во Авганистан.

Присутните се согласиле дека Македонија ги исполнува условите за влез во НАТО и заслужува да биде членка на Алијансата, со што ја потврдија поддршката која САД во континуитет ја дава на Македонија кон нејзината евро-атланска интеграција. /крај/со/ач

 

Copyright 2012 makfax Сите права се задржани. Текстот не смее да се печати или емитува, во целина или во делови без договор со Мakfax.

  0     0