Среќко Калиниќ и Жељко Миловановиќ, затворениците кои се обидоа да побегнат од Белградскиот затвор ги намачкале со вазелин решетките, ги исекле , ги нападнале чуварите и скокнале од прозорецот. Но тука беа фатени. При бегството припадниците на Земунскиот клан на чуварите им рекле дека си одат дома.
Бегството започнало во 5:20 часот, вчера наутро, кога двајцата притвореници ги извадиле решетките од ќелиите на приземјето.

Безбедносните камери го снимиле бегството. Стражарот кој наишол во ходникот, бегалците, го нападнале, му ги врзале рацете за радијатор и во устата му ставиле чорап за да не може да повика помош. Потоа му била соблекле јакната и ознаките и тргнале кон дворот каде биле пресретнати од жандармеријата.
При претресот кај двајцата биле пронајдени пили за сечење, со кои најверојатно требало да ја исечат вратата која води кон паркингот на судот.

Полицијата се уште истражува кој им помогнал да бегаат.
Калиниќ е осуден на 30 години затвор за убиство на премиерот Зоран Ѓинѓиќ, а го чекаат уште неколку судења за убиства, разбојништва и други тешки кривични дела. Тој седум години беше во бегство. Миловановиќ пак е осомничен и се води постапка против него за убиството на новинарот Иво Пуканиќ. Тој до сега успеал да побегне од затвор четири пати.

Петмина стражари се уапсени и се сомничат дека помагале во бегството. Сите се во притвор.
Специјалниот суд го обезбедува невидено полициско обезбедување. Двајцата затвореници се пренесени во самици во Централниот затвор во Белград. Крај.курир.км

Copyright 2012 makfax Сите права се задржани. Текстот не смее да се печати или емитува, во целина или во делови без договор со Мakfax.

  0     0