Судскиот процес за смртта на Мухамедали Јашари во средата поради отсуство на судечкиот судија е презакажан за април. Момчето во тепачка минатогодишниот април почина во дворот на средношколскиот образовен центар ГУЦ во Скопје.

Во судот беа дојдени роднините на починатиот Јашари , двајца од обвинетите и адвокатите. Судскиот процес го следат и претставници на ОБСЕ.

„Ќе ја чекаме и ќе ја бараме правдата”, рече мајката на Мухамедали, којашто со сопругот разочарани заминаа од судот. Сакаа да ги видат и прашат обвинетите момчиња зошто нивниот син загина во тепачка. “Сакаме да ги видиме оние кои последни го видоа и да ги прашаме зошто мораше вака да се заврши детска кавга”.

Еден од бранителите на обвинетите адвокатот Јован Јоанидис изјави: „Сите жалиме за смртта на Мухамедали, меѓутоа тоа е - деца се тепале и ќе се тепаат”.

За смртта на Мухамедали обвинети се три момчиња кои одговараат за учество во тепачка и загрозување со опасно орудие. Семејството Јашари не сака да прифати на децата да им се суди за учество во тепачка наместо за убиство. Тие преку својот адвокат од обвинителството побарале да се изврши преквалификација на делото и на првообвинетиот да му се суди за убиство од користољубие а на останатите за насилство./крај/мф/км

Copyright 2012 makfax Сите права се задржани. Текстот не смее да се печати или емитува, во целина или во делови без договор со Мakfax.

  0     0