Советот за безбедност при Обединетите нации(ОН) следната недела ќе ја разгледува ситуацијата на Косово, која, според генералниот секретар Бан Ки Мун, е тензична и во добар дел влијае врз разговорите меѓу Белград и Приштина во врска со европската перспектива на регионот.

Како што е објавено на сајтот на ОН, седницата на Советот за безбедност ќе се одржи на 8 февруари попладне по средноевропско време.

Во извештајот до кој дошла агенцијата Бета, Бан Ки Мун изразува задоволтсво од обновувањето на дијалогот меѓу Белград и Приштина и постигнатите договори, но и загриженост заради бавниот напредок во враќањето на раселените и утврдувањето на судбината на исчезнатите.

Се наведува дека сè уште не е јасно дали референдумот за прифаќање на косовските институции на северот на Косово ќе биде одржан. /крај/б/ст

Copyright 2012 makfax. Сите права се задржани. Текстов не смее да се печати или емитува, во целина или во делови, без договор со makfax.

Copyright 2012 makfax Сите права се задржани. Текстот не смее да се печати или емитува, во целина или во делови без договор со Мakfax.

  0     0