Шпанската влада денеска усвои план со кој се предвидува банките да се принудат да остават за 50 милијарди евра поголеми резерви за покривање на ненаплатливиот имот во недвижнини.

Се очекува тој план да биде од клучно значење за реструктуирање на финансискиот сектор и заживување на замрената шпанска економија.

Владата го усвои планот на банкарската реформа откако министерот за економија Луис де Гиндос го најави. Планот сега ќе биде упатен во парламентот на гласање.

Според планот, банките сега ќе мораат да ја преиспитаат вредноста на нивниот имот во недвижнини.

Книговодствената вредност на тој имот, како што се смета, е „надувана“ откако заврши перидот на градежниот бум.

Банките, ако реформата помине во парламентот, ќе бидат принудени да се ослободат од сопственоста над имотите, како земјишта и непродадени станови, односно ќе мораат да ги продадат по пазарна цена. /крај/б/ст

Copyright 2012 makfax Сите права се задржани. Текстот не смее да се печати или емитува, во целина или во делови без договор со Мakfax.

  0     0