Европските берзи пораснаа во петокот бидејќи инвеститорите ги охрабрија податоците кои наговестија дека еврозоната би можела да избегне рецесија.

Дополнителен оптимизам влејаа и неочекуваните податоци за силниот раст на вработеноста во Соединетите Американски Држави во јануари.

Индексот на Лондонската берза FTSE се зголеми за 0,5 отсто на 5.826 поени, индексот на берзата во Франкфурт DAX за 0,2 отсто на 6.671 поен, а париски CAC беше во плус од 0,3 отсто и изнесуваше 3.387 поени.

Берзите дополнителни ги орасположи извештајот на Маркит кој покажа раст на индексот на менаџерите за набавка во еврозоната (ПМИ) во јануари на 50,4 поени, во споредба со 48,3 поени.

Вредноста на индексот над 50 поени укажува на раст на активностите, а тие под него на пад.

Во таква атмосфера најголеми добитници беа банките, при што Сосиете Женерал порасна за четири отсто, а Банко Пополаре за 3,7 отсто.

Меѓу губитниците се издвојуваат рударските компании, кои ден претходно беа најголеми добитници по најавата за спојување на Гленкор и Екстерјт. Акцијата на Рио Тинтос е намали за 2,3 отсто, на БНП Билитон за 1,9 отсто, а на Казакхмис за 1,6 отсто. /крај/х/ап/

Copyright 2012 makfax Сите права се задржани. Текстот не смее да се печати или емитува, во целина или во делови без договор со Мakfax.

  0     0