Официјалната премиера на новиот модел на Фиат „500Л“, што ќе се склопува во фабриката во Крагуевац,  планирана е за 6 март и Саемот на автомобили во Женева, но компанијата со денешното објавување на првите фотографии на надворешниот изглед одржа своевидна претпремиера.

Моделот со ознака „Л“, што е кратенка од зборот „Large“, е зголемена и продолжена верзија на моделот „500“, кој веќе пет години се склопува во фабриката на Фиат во Полска.

„Фиат 500Л“ официјално спаѓа во категоријата мали компактни повеќенаменски возила(МВП), кои, како што тврдат во фабриката, благодарејќи на својот „клиренс“ нуди чувство во кабината како да се седи во малечок СУВ.

Овој петосед е долг 4,14 метри, широк е 1,78 метри, а висок 1,66 метри. Концептот на кабината е преземен од „мултипла“, поранешен модел на Фиат со слична намена.

На официјалната интернет презентација на Фиат е потврдено дека „500Л“ ќе се склопува исклучиво во Србија.

По премиерата во Женева, продажбата на новиот модел во европа ќе почне во последниот квартал на 2012 година, со почетна цена од 16.000 евра. Палетата на мотори ќе содржи два бензински агрегата(двоцилиндричен „твин-ер од 0,9 литри и 1,4 литарски) и еден 1,3 литарски дизел „мултиџет 2“. /крај/бл/ст

Copyright 2012 makfax Сите права се задржани. Текстот не смее да се печати или емитува, во целина или во делови без договор со Мakfax.

  0     0