Пред две години на дното на Балтикот беше пронајден објект сличен на летачка чинија, а сега на само 200 метри подалеку од првата локација, пронајден е уште еден диск.

Ловците на богатства, кои всушност на дното на Балтичкото море меѓу Шведска и Финска бараат викиншки и други стари бродови, почнаа сериозно да размислуваат за тоа дали вонземјаните навистина постојат. Да се пронајдат два неидентификувани диска на само 200 метри еден од друг, е повеќе од необично, а мистеријата е уште поголема бидејќи никој не знае за што станува збор.

„Слушнавме повеќе различни објаснувања, од тоа дека станува збор за летало како Милениум Фалкон од Џорџ Лукас, па до тоа дека буквалнос е работи за ’некаков чеп што води кон внатрешниот свет’, како да станува збор за некаков пекол внатре. Нема да знаеме додека не се спуштиме долу“, појасни Петер Линдберг, водач на шведскиот истражувачки тим.

Значи, прво истиот тим пронајде кружен објект со дијаметар преку 60 метри на длабочина од 85 метри. Уште почудно е што зад него имало 300 метри долга трага на дното на морето, кои сугерираат дека објектот или бил влечен, или станува збор за траги од падот.

Си-Ен-Ен сега пренесува дека истиот тим пронашол ист таков објект, само на 200 метри од првиот. Тимот на Линдберг планира да испрати специјална подморница на дното и да испита за што станува збор. /крај/дн/ст

Copyright 2012 makfax Сите права се задржани. Текстот не смее да се печати или емитува, во целина или во делови без договор со Мakfax.

  0     0