ЕП гласа состав на комисијата на Баросо
Европскиот парламент денеска ќе гласа за новиот состав на Европската комисија (ЕК) .
За потврдување на новиот кабинет на Баросо потребно е просто мнозинство во парламентот.
Се очекува дека парламентарците ќе и дадат зелено светло на комисијата, откако парламентарните одбори дадоа позитивно мислење за сите 26 кандидати за комесари.
Пред гласањето Баросо на европратениците ќе им ја презентира својата програма, како и новата екипа.
Кабинетот на Баросо треба да биде потврден и во Советот на Европската унија, по што се очекува утре и официјално да стап на должност
Утре Европарламентарците ќе го разгледуваат извештајот за напредокот на Македонија, како и извештаите за Хрватска и Турција.
Извештајот за Македонија, што го подготви словенечкиот пратеник Зоран Талер, го повикува Советот на ЕУ на самитот во март без одложувања да определи датум за почеток на претпристапните преговори.
Во врска со прашањето за името, извештајот ги повикува владите во Скопје и Атина, да ги засилат напорите за изнаоѓање на решение, додавајќи дека унијата треба да им помогне.
Македонските власти се повикуваат да ги забрзаат реформите на јавната управа и на судството, борбата против корупцијата и обезбедувањето на правата на жените и на малцинствата./крај/ит
Свет
- Нетанјаху и Абас ја потврдија за...02 септември 2010
- Обама е охрабрен од напредокот в...02 септември 2010
- Експлозија на нафтена платформа ...02 септември 2010
- Преку 100 работници загинале при...02 септември 2010
- Во Кина сообраќаен застој долг 1...02 септември 2010
- Израел и Палестина почнуваат дир...02 септември 2010
- Ден на жалост во Словачка02 септември 2010
- Советот на Европа против сексизм...02 септември 2010


