Хрватската премиерка Јадранка Косор денеска ќе одржи состанок со лидерите на политичките партии во парламентот, на кој ќе се разговара околу уставните промени кои се важни за приемот на земјата во ЕУ.

"За вторник закажавме состанок, на кој со лидерите на партиите ќе го довршиме разговорите за да до крајот на март веќе имаме и конкретни резултати", изјави Косор во саботата после состанокот со хрватскиот преговарачки тим во ЕУ.

Според Косор напредокот на Загреб кон ЕУ е евидентен и таа очекува дека на следната меѓународна конференција на 19 февруари ќе бидат отворени уште две поглавја од преговорите.

"Добро напредуваме и се надеваме дека голем дел од обврските ќе ги завршиме за време на шпанското претседателство", нагласи Косор./крај/вм